image

Bayram ərəfəsində şəhid Zülfü Rzayevin ailəsi ziyarət olunub

Regional Su Meliorasiya Xidmətinin Naxçıvan Su Meliorasiya Sistemlərinin İstismarı İdarəsinin rəisi Malik Rzayev Şahbuz rayonunun Külüs kəndində şəhid Rzayev Zülfü Zülfəli oğlunun ailəsini ziyarət edib. 

Şəhid atası oğlunun keçdiyi şərəfli döyüş yolundan bəhs edib. Bildirib ki, Zülfü Rzayev 2016-cı ilin “Aprel döyüşləri”ndə iştirak edib. Göstərdiyi şücaətə görə Azərbaycan Respublikasının Prezidenti cənab İlham Əliyev tərəfindən 2016-cı il 19 aprel tarixli  sərəncamı ilə "İgidliyə görə" medalı, 2018-ci ildə "Azərbaycan Silahlı Qüvvələrinin yaranmasının 100 illiyi” yubiley medalı ilə təltif olunub. 
Zülfü Vətən müharibəsinin ilk günündən döyüşlərdə iştirak edib və qəhrəmanlıqla şəhidlik zirvəsinə yüksəlib. 

Görüş zamanı şəhid Zülfü Rzayevin xatirə guşəsi ilə tanış olunub.