Naxçıvan Muxtar Respublikası Dövlət Su Ehtiyatları Agentliyinin sədr müavini Malik Rzayev bildirib ki, “Naxçıvan Muxtar Respublikasının sosial-iqtisadi inkişafına dair 2023-2027-ci illər üçün Dövlət Proqramı” ndan irəli gələn vəzifələrin yerinə yetirilməsi, payız suvarma mövsümünün uğurla başa çatdırılması, içməli və suvarma suyundan səmərəli və qənaətlə istifadə edilməsi, muxtar respublikanın su təminatının yaxşılaşdırılması daim diqqət mərkəzində saxlanılır və bu sahədə mütəmadi işlər həyata keçirilir. Görülən işlərin nəticəsidir ki, 2024-cü ilin oktyabr ayının sonunda sututarlarda 180,78 milyon kubmetr  su ehtiyatı mövcud olmuşdur. Su istifadəçilərinə yanvar-oktyabr ayları ərzində 225,13 milyon kubmetr  su verilmiş, bunun müqabilində 181 716 hektar torpaq sahəsi suvarılmışdır.
İclas zamanı Agentliyin tabe  idarələrinin iş fəaliyyətinin, gələcək prioritetlərin müəyyən edilməsi müzakirə edilib, təkliflər dinlənilib və tapşırıqlar verilib