Əvvəlcə Xocalı qurbanlarının və torpaqlarımızın azadlığı uğrunda canlarından keçən şəhidlərimizin əziz xatirəsi bir dəqiqəlik sükutla yad edilib.
Anım tədbirində çıxış edən Naxçıvan Su Meliorasiya Sistemlərinin İstismarı İdarəsinin İdarənin rəisi Malik Rzayev bildirib ki, Xocalı soyqırımı bəşər tarixinin ən dəhşətli faciələrindən biridir. 33 il keçməsinə baxmayaraq xalqımız bu soyqırımın qurbanlarını və faciəni törədən düşməni unutmur.
Böyük qürur hissi ilə qeyd etməliyik ki, 
Müzəffər Azərbaycan Ordusunun qəhrəmanlığı sayəsində Xocalı şəhidlərinin qanı yerdə qalmadı. 44 günlük müharibədə möhtəşəm zəfər qazanan  qəhrəman Ordumuz Prezident, Müzəffər Ali Baş Komandan İlham Əliyevin rəhbərliyi ilə Xocalı faciəsi qurbanlarının da qisasını aldı. Xocalı şəhəri 2023-cü il sentyabrın 19-20-də Azərbaycan Ordusunun Qarabağda keçirdiyi lokal xarakterli antiterror tədbirləri nəticəsində separatçılardan təmizləndi. Bu gün Xocalı şəhərində üçrəngli bayrağımız dalğalanır, Xocalı doğma sakinlərinə öz qucağını açır.