Naxçıvan Su Meliorasiya Sistemlərinin İstismarı İdarəsi və onun rayon şöbələri tərəfindən yaşıllıq ərazilərində iməcilik tədbirləri həyata keçirilib. Keçirilən iməcilik sahələrində abadlıq işləri görülüb, mövcud yaşıllıqların qorunması və inkişaf etdirilməsi məqsədilə qurumuş ağac və bitki qalıqları ərazilərdən uzaqlaşdırılıb, yeni əkilmiş tinglərə aqrotexniki qulluq göstərilib, suvarma işləri aparılıb. Görülən tədbirlər nəticəsində yaşıllıq sahələrinin estetik görünüşü yaxşılaşdırılıb, ekoloji mühitin daha da sağlamlaşdırılmasına töhfə verilib.