Regional Su Meliorasiya Xidmətinin Naxçıvan Su Meliorasiya Sistemlərinin İstismarı İdarəsinin rəisi Malik Rzayev Babək rayonunun Nehrəm qəsəbəsində şəhid Zamin Məmmədovun ailəsini ziyarət edib.
Şəhid Zamin Məmmədovun xatirə guşəsi ilə tanışlıq zamanı şəhid anası bildirib ki, Zamin uşaq yaşlarından hərbçi olmağı arzulayıb. Biz də onun bu istəyini dəstəkləmişik. Heydər Əliyev adına Ali Hərbi məktəbi də uğurla başa vurandan sonra leytenant rütbəsi ilə ordu sıralarında xidmətə başlamışdı. Elə öz istəyi ilə Ağdama - cəbhə bölgəsinə göndərilərək xidmətini davam etdirirdi. 2008-ci ildə ayağından güllə yarası alsa da, müalicə olunub yenidən səngərə qayıtmışdı. Oğlum çox sevdiyi vətəni uğrunda 2011-ci il yanvarın 25-də Ermənistan silahlı qüvvələrinin cəbhənin Ağdam rayonunun Cəvahirli kəndi istiqamətində açdığı atəş nəticəsində şəhidlik məqamına qovuşdu. Onun kimi oğulların şəhadəti bugünkü Zəfərin təməlləri idi.