Naxçıvan Muxtar Respublikası Prokurorluğunun, Şərur və Sədərək rayon icra  hakimiyyətlərinin birgə təşkilatçılığı ilə Şərur rayon İcra Hakimiyyətində “Sağlam ətraf mühitdə yaşamaq hüququnun təmin edilməsi məqsədilə ətraf mühitin mühafizəsi, o cümlədən sudan səmərəli və qanuni istifadə” mövzusunda tədbir keçirilib. Tədbirdə Şərur və Sədərək rayonlarının aidiyyəti əməkdaşları iştirak ediblər. 
Tədbiri giriş sözü ilə Şərur Rayon İcra Hakimiyyəti Başçısının müavini Aysel Zellabdinova açaraq mövzu ilə bağlı öz fikirlərini bildirib. 
Tədbirdə Muxtar Respublika Prokurorluğunun Hüquqi təminat və insan hüquqları məsələləri şöbəsinin rəisi Faiq Səfərov, Azərbaycan Dövlət Su Ehtiyatları Agentliyinin tabeliyində Regional Su Meliorasiya Xidməti publik hüquqi şəxsin Naxçıvan Su Meliorasiya Sistemlərinin  İstismarı  İdarəsinin şöbə müdiri Fərman Fərzəliyev, Naxçıvan Dövlət Universitetinin əməkdaşı Cabbar Nəcəfov və Azərbaycan Dövlət Su Ehtiyatları Agentliyi yanında Suların İstifadəsinə və Mühafizəsinə Dövlət Nəzarəti Xidmətinin 14 saylı Naxçıvan regional bölməsinin əməkdaşı Səmra Mehrəliyeva mövzu ilə bağlı çıxış ediblər.
Tədbir zamanı iştirakçıları maraqlandıran suallar ətraflı cavablandırılıb.