Naxçıvan Muxtar Respublikasında 2025-ci ilin yanvar ayı ərzində suvarma mövsüminə hazırlıq məqsədilə Naxçıvan Su Meliorasiya Sistemlərinin İstismarı İdarəsinin tabe şöbələri tərəfindən kanal və arxlarda lildən təmizlənmə işləri davam etdirilmiş, suvarılan sahələrdə qrunt sularının səviyyəsini aşağı salmaq üçün müvafiq işlər görülmüşdür. Hidrotexniki qurğularda təmir işləri aparılmış, su anbarlarına suyun yığılması həyata keçirilmişdir.
2025-ci ilin yanvar ayının sonunda su anbarlarında 177,65 mln m3 su ehtiyatı mövcud olmuşdur.
2025-ci ilin yanvar ayı ərzində 27,22 km beton və torpaq kanallar, 12,87 km ara arxlar, 1,2 km kollektor lildən təmizlənmiş, 0,07 km içməli su, 0,02 km kanalizasiya xətti çəkilmiş, 0,37 km mövcud içməli su xətlərində, 0,12 km kanalizasiya xətlərində, 0,11 km kaptajlarda, 0,01 km qapalı drenaj xətlərində, suvarma boru xətlərinin 0,03 km hissəsində və təzyiqli boru xətlərinin 0,26 km hissəsində təmir-bərpa işləri aparılmışdır.
Şərur rayonunda kanallarda 1,2 km, kəndlərin ara arxlarında 1,1 km, Babək rayonunda kanallarda 1,6 km kəndlərin ara arxlarında 5,6 km, Şahbuz rayonunda kanallarda 0,82 km, kəndlərin ara arxlarında 0,72 km, Ordubad rayonunda kanallarda 5,6 km, kəndlərin ara arxlarında 2,5 km, Sədərək rayonunda kanallarda 0,9 km, ara arxlarda 0,3 km, Kəngərli rayonunda kəndlərin ara arxlarında 0,75 km, Naxçıvan şəhəri ərazisində ara arxlarda 1,9 km, Culfa rayonunda kanallarda isə 17,1 km lildən təmizlənmə işləri aparılmışdır.
Torpaq sahələrinin su təminatının yüksəldilməsi və su itkisinin qarşısının alınması məqsədilə mövcud kanal və arxların ehtiyac olan hissələrində təmir-bərpa işlərinin aparılması davam etdirilmişdir.
Torpaq sahələrinin şoranlaşmasının qarşısını almaq məqsədi ilə kollektor və drenajlar lildən təmizlənmişdir. Şərur rayonunda Dəmirçi kollektorunda 0,8 km, Babək rayonunda Nehrəm kollektorunda 0,4 km kollektor lildən təmizlənmişdir. Bundan əlavə, Babək rayonunda Nehrəm qəsəbəsinin drenaj şəbəkəsində 10 m təmir-bərpa işləri aparılmışdır.
Görülən işlər nəticəsində Şərur rayonunun 10 ha, Babək rayonunun 5 ha, ümumilikdə, 15 ha torpaq sahəsində qrunt sularının səviyyəsi aşağı salınaraq şoranlaşmanın qarşısı alınmışdır.
Muxtar respublikada əhalinin içməli su təminatını yaxşılaşdırmaq üçün yeni içməli su xətləri çəkilmiş, mövcud xətlərdə təmir-bərpa işləri yerinə yetirilmişdir. Belə ki, Babək rayonunda 0,07 km yeni içməli su xətti çəkilmişdir. Şərur rayonunda 0,03 km, Babək rayonunda 0,1 km, Şahbuz rayonunda 0,03 km, Culfa rayonunda 0,11 km, Ordubad və Kəngərli rayonlarında hər birində 0,05 km mövcud içməli su xətlərində təmir-bərpa işləri aparılmışdır.
Ordubad rayonunda Kələki kənd kaptajında 100 m, Parağa kənd kaptajında isə 10 m olmaqla, Ordubad rayonunda ümumilikdə 110 m təmir-bərpa işləri aparılmışdır.
Babək Şəkərabad kəndində 18 m yeni kanalizasiya xətti çəkilmişdir. Bunla yanaşı mövcud kanalizasiya xətlərinin Babək şəhərində 47 m, Şəkərabad kəndində 10 m, Şahbuz şəhərində 50 m, Ordubad şəhərində isə 10 m təmir işləri aparılmışdır.
Suvarma mövsüminə hazırlıq məqsədilə təmirə ehtiyac olan suvarma boru xətlərində təmir-bərpa işləri aparılmışdır. Mövcud suvarma boru xətlərinin Culfa rayonunda 26 m hissəsində təmir-bərpa işləri aparılmışdır.
Nasos stansiyalarında və təzyiqli boru xətlərində cari təmir işləri davam etdirilmişdir. Belə ki, Şərur rayonunda “Həmzəli-1” və “Dizə” nasos stansiyalarının təzyiqli boru xətlərinin 3 m hissəsində, Babək rayonunda “Araz-1”, “Araz-2” və “Nehrəm” nasos stansiyalarının təzyiqli boru xətlərinin 8 m hissəsində, Şahbuz rayonunda Kolanı və Badamlı kəndləri ərazisində yerləşən subartezian quyularının təzyiqli boru xətlərinin 25 m hissəsində, Ordubad rayonunda “Dəstə-2” nasos stansiyasının təzyiqli boru xəttinin 100 m hissəsində, Sədərək rayonunda “Sədərək-3” və “Sədərək-4” nasos stansiyalarının təzyiqli boru xətlərinin 30 m hissəsində, Kəngərli rayonunda “Şahtaxtı”, “Qıvraq-1”, “Qıvraq-2”, “Böyükdüz”, “Yeni kərki” və 4№-li, nasos stansiyaların təzyiqli boru xətlərinin 90 m hissəsində təmir-bərpa işləri aparılmışdır.
2025-ci ilin yanvar ayı ərzində 1 kəhrizin cari təmir işlərinə başlanılmışdır.
Suvarma və içməli su mənbəyi kimi istifadə olunan subartezian quyularının 2 ədədinə yeni nasos quraşdırılmaqla, 35 ədədi əsaslı təmir olunmuşdur. Həmçinin Ordubad rayonunun Düylün, Culfa rayonunun Əbrəqunus, Babək rayonunun Qaraqala və Vayxır kəndlərində hər birində 1 subartezian quyusu olmaqla, ümumilikdə, 4 yeni subartezian quyusuna nasos aqreqatı quraşdırılaraq işlər yekunlaşmışdır.
İdarənin tabe şöbələrinin təmir sexləri tərəfindən 2 ədəd rotor, 4 ədəd elektrik mühərriki əsaslı təmir olunmuşdur.
Meliorasiya və su təsərrüfatı sahəsində Naxçıvan Su Meliorasiya Sistemlərinin İstismarı İdarəsi və tabe şöbələri tərəfindən görülmüş işlər mütəmadi olaraq kütləvi informasiya vasitələrində işıqlandırılır. Yanvar ayı ərzində 3 dəfə “Naxçıvan Televiziyasına” müsahibə verilmiş, “Naxçıvan xəbərləri” İnformasiya Agentliyində 1 xəbər, “Şərq qapısı” qəzetində isə 1 statistik hesabat tipli xəbər dərc olunmuşdur.